AP: పట్టాలు తప్పిన గూడ్స్.. 8 బోగీలు పడిపోయి నిలిచిన రైళ్ల రాకపోకలు!

ఏపీలోని తూర్పుగోదావరి జిల్లాలో శుక్రవారం ఉదయం ఒక రైలు ప్రమాదం సంభవించింది. విశాఖపట్నం-విజయవాడ ప్రధాన రైల్వే మార్గంలో ఉన్న కొవ్వూరు, పశివేదల మధ్య నడుస్తున్న ఒక గూడ్స్ రైలు అకస్మాత్తుగా పట్టాలు తప్పడంతో ఈ మార్గంలో రైళ్ల రాకపోకలకు తీవ్ర అంతరాయం ఏర్పడింది. రసాయనిక ఎరువుల (ఫెర్టిలైజర్స్) లోడుతో ఒడిశా నుంచి మహారాష్ట్ర వైపు ప్రయాణిస్తున్న ఈ సరుకు రవాణా రైలుకు చెందిన 8 బోగీలు ఒక్కసారిగా ట్రాక్ తప్పి పక్కకు పడిపోయినట్లు అధికారులు వెల్లడించారు.