AP: పిఠాపురం కుర్రాడి ఘనత.. రూ.1.06 కోట్ల ప్యాకేజీతో ఉద్యోగం!

సాధారణ కుటుంబ నేపథ్యం, ఆర్థిక ఇబ్బందులు ఏవీ అతడి ఆశయానికి అడ్డుగోడ కాలేదు. పట్టుదలే పెట్టుబడిగా శ్రమించిన ఓ గ్రామీణ ప్రాంత విద్యార్థి, ఏకంగా కోటి రూపాయలకు పైగా వార్షిక వేతనంతో కెనడా కంపెనీలో అత్యున్నత కొలువు సాధించాడు. వివరాల్లోకి వెళ్తే.. కాకినాడ జిల్లా, పిఠాపురం నియోజకవర్గానికి చెందిన మాల్తి అఖిలేశ్ అనే యువకుడు రూ.1.06 కోట్ల ప్యాకేజీని అందుకుని తన ప్రతిభతో తెలుగు రాష్ట్రాల దృష్టిని ఆకర్షించాడు.