అన్నాహజారేకు తీవ్ర అస్వస్థత.. ముంబైలో ఆస్పత్రికి తరలింపు!

 దేశంలో అవినీతి వ్యతిరేక ఉద్యమాల ద్వారా చెరగని ముద్ర వేసిన ప్రముఖ సామాజిక కార్యకర్త, పద్మభూషణ్ అన్నా హజారే తీవ్ర అస్వస్థతకు గురయ్యారు. 87ఏళ్ల వయస్సున్న ఆయన ఆరోగ్యం క్షీణించడంతో సోమవారం ముంబైలోని బాంబే ఆస్పత్రిలోని ఐసీయూ (ICU) విభాగంలో చేర్పించారు. తీవ్రమైన వైరల్ ఇన్‌ఫెక్షన్, డీహైడ్రేషన్ సమస్యలతో బాధపడుతున్న ఆయనకు ప్రస్తుతం నిపుణులైన వైద్య బృందం నిరంతర పర్యవేక్షణలో అత్యవసర చికిత్స అందిస్తోంది.