AP: ఇవాళ అర్ధరాత్రికి తీవ్ర తుపానుగా ‘అర్నబ్’.. ఏపీకి హైఅలర్ట్!

AP: బంగాళాఖాతంలో కదులుతున్న ‘అర్నబ్’ తుపాను గంటగంటకూ మరింత బలాన్ని పెంచుకుంటూ తీరం వైపు వేగంగా దూసుకొస్తోంది. ఇవాళ అర్ధరాత్రి కల్లా ఇది ‘తీవ్ర తుపాను’గా మారనుందని వాతావరణ శాఖ అత్యంత తీవ్రమైన హెచ్చరికలు జారీ చేసింది. అక్కడితో ఆగకుండా, మంగళవారం నాటికి ఏకంగా ‘అతి తీవ్ర తుపాను’గా రూపాంతరం చెంది తీరంపై విరుచుకుపడే ప్రమాదం పొంచి ఉందని అధికారులు స్పష్టం చేశారు. బుధవారం ఉదయానికల్లా బాపట్ల - విశాఖపట్నం మధ్య, ముఖ్యంగా యానాం సమీపంలో ఇది తీరం దాటే అవకాశం ఉందని విపత్తు నిర్వహణ సంస్థ ఎండీ ప్రఖర్ జైన్ వెల్లడించారు. దీంతో అధికార యంత్రాంగం అప్రమత్తమై రాష్ట్రవ్యాప్తంగా హైఅలర్ట్ ప్రకటించింది.