గిరిజన మహిళల రుణాల్లో భారీ గోల్‌మాల్!!..

ఆదిలాబాద్ జిల్లా గాదిగూడ మండలం సావరీ గ్రామంలో మహిళా సంఘాల రుణాల వ్యవహారం కలకలం రేపుతోంది. గ్రామంలోని మూడు మహిళా సంఘాలకు సభ్యుల అనుమతి, తీర్మానం లేకుండానే రూ.4 లక్షల 5 వేల రుణాన్ని విఓఏగా పనిచేస్తున్న న్యానేశ్వర్ బ్యాంకు నుంచి డ్రా చేసినట్లు ఆరోపణలు వెలుగులోకి వచ్చాయి. రికవరీ కోసం వచ్చిన సిబ్బంది సమావేశంతో ఈ వ్యవహారం బయటపడింది. మహిళల అభివృద్ధి కోసం ప్రభుత్వం అందిస్తున్న నిధులు అవినీతికి గురికాకుండా కఠిన పర్యవేక్షణ అవసరమని గ్రామస్థులు కోరుతున్నారు.