'పురుగుల మందు తాగలేదా?' అన్న వివాదంలో ట్విస్ట్.. ఎమ్మార్వోకు మద్దతుగా రైతు!

 సిద్దిపేట జిల్లా గజ్వేల్ తహసీల్దార్ పీహెచ్ స్వామి ఓ రైతును ఉద్దేశించి ‘బతికే ఉన్నావా నువ్వు? పురుగుల మందు తాగలేదా?’ అన్న మాటలు వీడియో సోషల్ మీడియాలో వైరల్ కావడంతో తీవ్ర దుమారం రేగిన సంగతి తెలిసిందే. ఈ వివాదంపై బీఆర్ఎస్ వర్కింగ్ ప్రెసిడెంట్ కేటీఆర్ సహా పలువురు ప్రముఖులు ఈ ఘటనపై తీవ్ర ఆగ్రహం వ్యక్తం చేయగా, అధికారుల తీరుపై విమర్శలు వెల్లువెత్తాయి. అయితే ఈ వివాదంపై తాజాగా సదరు రైతు స్వయంగా స్పందించి నిజం ఏంటో చెప్పగా అసలు విషయం వెలుగులోకి వచ్చింది.