‘సీఈసీ’ మెడపై వేలాడుతున్న కత్తి .. కాంగ్రెస్, సీజీపీకి తోడుగా బీఆర్ఎస్!

దేశవ్యాప్తంగా ‘ఎస్ఐఆర్’ ప్రక్రియకు వ్యతిరేకంగా నిరసనలు హోరెత్తుతున్నాయి. కేంద్ర ఎన్నికల కమిషనర్ జ్ఞానేశ్ కుమార్ బీజేపీకి అనుకూలంగా ఉన్న వారి ఓట్లను కాపాడుతూ.. ఇతర పార్టీల అనుకూల (అర్హుల) ఓట్లు తొలగిస్తున్నారని ప్రతిపక్ష పార్టీ కాంగ్రెస్ ప్రధానంగా ఆరోపిస్తున్నది. ఇండియా కూటమిలోని పార్టీలు కాంగ్రెస్‌కు మద్దతు తెలుపుతున్నాయి. కేంద్రంలోని మోడీ సర్కార్.. ఈసీ సాయంతో ‘ఓట్ చోరీ’కి పాల్పడుతున్నదని ఆరోపణలు, విమర్శలు వెల్లువెత్తుతున్నాయి. ఈ క్రమంలోనే సీఈసీ రాజీనామాకు డిమాండ్ చేస్తున్న వారి సంఖ్య క్రమంగా పెరుగుతోంది. కాంగ్రెస్, ఇండియా కూటమిలోని పార్టీలు, సీజేపీతో పాటు తాజాగా బీఆర్ఎస్ పార్టీ నేతలు హరీశ్ రావు, కేటీఆర్ సైతం సీఈసీ జ్ఞానేశ్ కుమార్ రాజీమామా చేయాలని డిమాండ్ చేశారు.