ఫిట్స్ నాటకం.. సబ్‌జైలు నుంచి 17మంది ఖైదీలు పరారీ!

ఫిట్స్ నాటకం ఆడి జైలు నుంచి 17మంది ఖైదీలు పరారయ్యారు. ఈ ఘటన తమిళనాడులోని తేని జిల్లాలోని తేక్కంపట్టి సబ్ జైలులో చోటుచేసుకుంది. సోమవారం రాత్రి వేళ జైలు సిబ్బందిని నమ్మించి, వారిపై విచక్షణారహితంగా దాడి చేసి ఖైదీలు పరారైనట్లు జైలు అధికారులు వెల్లడించారు. సినీ ఫక్కీలో జరిగిన ఈ ఘటనతో అప్రమత్తమైన తమిళనాడు పోలీస్ యంత్రాంగం రాష్ట్రవ్యాప్తంగా హై అలర్ట్ ప్రకటించి, సరిహద్దుల్లో తనిఖీలను తీవ్రతరం చేసింది.