సముద్ర తీరంలో 16 అడుగుల భారీ చేప.. మరో ప్రళయం రాబోతోందా?!

 సముద్రపు అగాధాల నుంచి ఒడ్డుకు కొట్టుకొచ్చిన ఓ అరుదైన భారీ జీవి ఇప్పుడు ప్రపంచవ్యాప్తంగా భయాందోళనకు కారణమవుతోంది. దక్షిణ అమెరికా ఖండంలోని చిలీ దేశానికి చెందిన 'అరికా' (Arica) బీచ్ తీరంలో సుమారు 16 అడుగుల భారీ పొడవున్న అరుదైన 'ఓర్‌ఫిష్' (Oarfish) ఒడ్డుకు కొట్టుకువచ్చింది. దీంతో స్థానికులు, పర్యాటకులు తీవ్ర ఆశ్చర్యానికి గురయ్యారు. సాధారణంగా ఈ చేపను ‘డూమ్స్‌డే ఫిష్’ (Doomsday Fish) లేదా ‘ప్రళయ చేప’ అని పిలుస్తుంటారు. సముద్ర గర్భంలో నివసించే ఈ చేప తీరానికి వస్తే త్వరలోనే భారీ భూకంపాలు, తీవ్ర సునామీలు విరుచుకుపడతాయనే నమ్మకం కొన్ని దేశాల్లో పూర్వీకుల నుంచి గట్టిగా నమ్ముతున్నారు.