దొంగ సాయం.. కళ్ల ముందే యువతికి రూ.1.25 లక్షలు టోకరా

కొందరు ఘరానా దొంగలు రెచ్చిపోతున్నారు.సామాన్యులతో కలిసి పోయి మంచి వారిలా నటిస్తూ జేబులు కొల్లగొడుతున్నారు.రద్దీగా ఉండే ప్రాంతాలు, బస్ స్టాండ్స్, రైల్వే స్టేషన్స్, బ్యాంకులు, షాపింగ్ మాల్స్‌‌ను టార్గెట్‌గా చేసుకుంటున్నారు ఈ దొంగలు.సాయం చేసినట్టు నటిస్తూనే డబ్బులు కాజేస్తున్నారు. తాజాగా ఇలాంటి ఘటనే హర్యానా రాష్ట్రంలో వెలుగుచూసింది.వివరాల్లోకివెళితే..ఓ దొంగ సాయం చేస్తున్నట్టు నటించి బ్యాంకు వచ్చిన యువతి నుంచి రూ.1.25 లక్షల చోరీకి పాల్పడ్డాడు. హర్యానా రాష్ట్రంలోని జింద్ జిల్లా సఫిదో ప్రాంతంలో ఈ చోటు చేసుకున్నంది. మువానా గ్రామానికి చెందిన పాయల్ అనే యువతి రూ.1.25 లక్షలు డిపాజిట్ చేయడానికి సోదరుడితో కలిసి SBI బ్యాంక్‌కు వెళ్లగా.. ఆమె పక్కనే ఉన్న ఓ దొంగ సహాయం చేస్తున్నట్లు నటించాడు.అనంతరం రూ.1.25 లక్షలు తీసుకొని అక్కడి నుంచి ఉడాయించాడు.