తెలంగాణకు భారీ పెట్టుబడి.. రూ.70వేల కోట్లతో

Telangana Investment: ఆర్టిఫిషియల్ ఇంటెలిజెన్స్(AI) రంగంలో తెలంగాణకు భారీగా పెట్టుబడులు తరలిరానున్నాయి. రాష్ట్రంలో అతిపెద్ద పెట్టుబడికి టీసీఎస్ తో ఒప్పందం కుదిరింది. సచివాలయంలో టీసీఎస్, హైపర్ వాల్ట్ కంపెనీల ప్రతినిధులతో సీఎం రేవంత్ రెడ్డి సమావేశం అయ్యారు. దేశంలోనే అతి పెద్ద ఏఐ డేటా సెంటర్ ఏర్పాటునకు ఒప్పందం కుదుర్చుకున్నారు. హైదరాబాద్ లో దాదాపు రూ.70వేల కోట్లతో 250 ఎకరాల్లో 1 గిగా వాట్ సామర్థ్యంతో ఏఐ డేటా సెంటర్ ఏర్పాటు చేయనున్నారు. దీని ద్వారా ప్రత్యక్షంగా, పరోక్షంగా 7వేల మందికి ఉపాధి అవకాశం లభించనుందని అధికారులు భావిస్తున్నారు.