40ప్లస్ ఉద్యోగులకు లేఆఫ్స్ టెన్షన్.. ఈ ఏడాది 1.28లక్షల మందిపై వేటు!

భారతీయ కార్పొరేట్ రంగంలో 40నుంచి 45ఏళ్ల వయసున్న సీనియర్ ఉద్యోగుల్లో ఉద్యోగ భద్రతపై తీవ్ర భయాందోళనలు వ్యక్తమవుతున్నాయి. ఒకప్పుడు సుదీర్ఘ అనుభవానికి పెద్దపీట వేసిన కంపెనీలు, ఇప్పుడు ఖర్చుల నియంత్రణ నెపంతో నడివయసు ఉద్యోగులపైనే వేటు వేస్తున్నాయి. టెక్ దిగ్గజం ఒరాకిల్, స్పోర్ట్స్ బ్రాండ్ అడిడాస్ వంటి అంతర్జాతీయ సంస్థలు ఇటీవల చేపట్టిన పునర్‌వ్యవస్థీకరణ ప్రక్రియలో భాగంగా అధిక వేతనాలు తీసుకుంటున్న సీనియర్, మేనేజీరియల్ స్థాయి ఉద్యోగులను విధుల్లోంచి తొలగించడం ఈ ఆందోళనలకు ప్రధాన కారణమైంది.