22A Row: కుట్రపూరితంగానే 22ఏ నిషేధిత జాబితాలోకి భూములు..

Ramchander Rao: రేవంత్ సర్కార్ పై తెలంగాణ బీజేపీ నేతలు నిప్పులు చెరిగారు. బీఆర్ఎస్.. ధరణి తెచ్చి ప్రజలను వేధిస్తే.. ఇప్పటి కాంగ్రెస్ ప్రభుత్వం భూ భారతి పేరుతో ప్రజలను దోచుకుంటోందని ఆరోపించారు. 22ఏ నిషేధిత భూముల జాబితా పేరిట పెద్ద ఎత్తున భూ దోపిడీ జరుగుతోందన్నారు.

రైతులు, పేదల భూములను కుట్రపూరితంగానే 22ఏ నిషేధిత జాబితాలో చేర్చారని తెలంగాణ బీజేపీ చీఫ్ రామచంద్రరావు ఆరోపించారు. నిషేధిత జాబితా నుంచి భూమిని తీసేయాలంటే 30శాతం కమీషన్ అడుగుతున్నారని చెప్పారు. ఈ మొత్తం వివాదంపై హైకోర్టు సిట్టింగ్ జడ్జితో విచారణ చేయించాలని ఆయన డిమాండ్ చేశారు. హైదరాబాద్ లోని ఇందిరాపార్క్ ధర్నా చౌక్ దగ్గర భూ భారతి, 22ఏకు నిరసనగా బీజేఎల్పీ ఆధ్వర్వంలో మహాధర్నా నిర్వహించారు. బీజేపీ ఎంపీలు, ఎమ్మెల్యేలు, ఎమ్మెల్సీలు, పార్టీ సీనియర్లు ఈ ధర్నాలో పాల్గొన్నారు.