22A Lands: 22ఏ భూములపై రేవంత్ ప్రభుత్వం కీలక నిర్ణయం
22A Lands: రాష్ట్రంలో గత నెల రోజులుగా తీవ్ర గందరగోళానికి దారితీసిన 22ఏ నిషేధిత భూముల వివాదానికి రేవంత్ రెడ్డి సర్కార్ చెక్ పెట్టింది. ప్రజలు, ఆస్తి యజమానుల ఇబ్బందులను దృష్టిలో ఉంచుకుని ప్రభుత్వం అత్యంత కీలక నిర్ణయం తీసుకుంది. 22ఏ నిషేధిత పరిధిలో ఉన్నప్పటికీ.. జీహెచ్‌ఎంసీ, హెచ్‌ఎండీఏ, డీటీసీపీ వంటి ప్రభుత్వ విభాగాల అనుమతులు ఉన్న భూములు, ప్లాట్లు, నివాస గృహాలకు రిజిస్ట్రేషన్లు చేసుకోవచ్చని స్పష్టం చేసింది. ఈ మేరకు జారీ చేసిన ఆదేశాలు తక్షణమే అమల్లోకి వస్తాయని ప్రభుత్వం ఉత్తర్వుల్లో పేర్కొంది.
హైకోర్టు ఆదేశాల మేరకు ఇటీవల రాష్ట్రవ్యాప్తంగా దాదాపు 3.50 లక్షల ఎకరాల భూములను 22ఏ నిషేధిత జాబితాలో చేర్చారు. అయితే అధికారుల తప్పిదం వల్ల ప్రభుత్వ భూములతో పాటు సరైన లేఅవుట్ అనుమతులు ఉన్న ప్రైవేట్ స్థలాలు, ఓపెన్ ప్లాట్లు, నివాస గృహాలు కూడా ఈ జాబితాలోకి చేరడంతో రిజిస్ట్రేషన్ల శాఖ అమ్మకాలు, కొనుగోళ్లను ఆపేసింది.