షుగర్ కంట్రోల్ కోసం 16/8 ఫాస్టింగ్.. టైప్-1 డయాబెటిస్‌లో ఎంతవరకు సేఫ్?..
నేటి జీవనశైలిలో ఆహారపు అలవాట్లు మారడం, శారీరక శ్రమ తగ్గడం, అధిక బరువు వంటి కారణాలతో డయాబెటిస్ సమస్యపై ఆందోళన పెరుగుతోంది. అయితే టైప్-1 డయాబెటిస్ ఉన్నవారి విషయంలో ఆహారం, ఇన్సులిన్, రక్తంలో గ్లూకోజ్ స్థాయిలను సమతుల్యం చేయడం మరింత కీలకం. ఈ నేపథ్యంలో టైప్-1 డయాబెటిస్ ఉన్నవారు ఇంటర్‌మిటెంట్ ఫాస్టింగ్ చేయవచ్చా అనే అంశంపై తాజాగా జరిగిన ఒక చిన్న అధ్యయనం ఆసక్తికరమైన విషయాలను వెల్లడించింది.
ఆరు నెలల పాటు 32 మంది టైప్-1 డయాబెటిస్ బాధితులపై నిర్వహించిన ఈ అధ్యయనంలో, కొంతమంది రోజులో 8 గంటల సమయంలో మాత్రమే ఆహారం తీసుకునే టైమ్-రిస్ట్రిక్టెడ్ ఈటింగ్ విధానాన్ని పాటించారు. అంటే దాదాపు 16 గంటల పాటు ఉపవాసం ఉండే విధానం. ఆరు నెలల తర్వాత ఈ విధానాన్ని పాటించిన వారిలో HbA1c సగటున సుమారు 0.46 శాతం పాయింట్లు తగ్గినట్లు పరిశోధకులు గుర్తించారు. అయితే మొత్తం ఇన్సులిన్ అవసరం, సగటు గ్లూకోజ్ స్థాయిల్లో గణనీయమైన మార్పు కనిపించలేదు.