నేపాల్ వరదల్లో ప్రిన్సిపాల్ సమయస్ఫూర్తి.. 1,643మంది విద్యార్థులు సేఫ్!

 నేపాల్‌లోని నువాకోట్ జిల్లా త్రిశూలి లోయలో ఉన్న శ్రీ త్రిభువన్ త్రిశూలి సెకండరీ స్కూల్ ప్రిన్సిపాల్ రాజేంద్ర దవాడీ ప్రదర్శించిన అసాధారణ సమయస్ఫూర్తి విపత్తు వేళ వేలాది కుటుంబాల్లో వెలుగులు నింపింది. ఉదయం 9:20గంటల సమయంలో పాఠశాలలో 1,643మంది విద్యార్థులు, ఉపాధ్యాయులు ఉండగా ఎగువ ప్రాంతంలో ఆకస్మిక వరదలు వచ్చాయని ప్రిన్సిపాల్‌కు ఫోన్ కాల్ వచ్చింది. ప్రారంభంలో మూడంతస్తుల కాంక్రీట్ భవనం సురక్షితమేనని భావించినప్పటికీ, పరిస్థితుల తీవ్రతను అర్థం చేసుకుని ఆయన తక్షణమే స్పందించారు.