టాటా సన్స్ ఛైర్మన్ ఎంపికకు ఊహించని బ్రేక్.. బాంబే హైకోర్టుకు టాటా ట్రస్ట్స్?

భారతీయ దిగ్గజ పారిశ్రామిక సామ్రాజ్యం టాటా గ్రూప్‌లో అనూహ్య పరిణామాలు చోటుచేసుకుంటున్నాయి. టాటా సన్స్ ప్రస్తుత ఛైర్మన్ ఎన్. చంద్రశేఖరన్ మరోమారు ఆ పదవిని చేపట్టడానికి ఆసక్తి చూపకపోవడంతో, ఆయన వారసుడిని వెతికేందుకు నూతన ఎంపిక ప్రక్రియ ప్రారంభమైంది. అయితే ఈ ఎంపిక బాధ్యతలను భుజాన వేసుకోవాల్సిన టాటా గ్రూప్ మాతృసంస్థ ‘టాటా ట్రస్ట్స్’కు చట్టపరమైన సమస్య ఒకటి ఎదురైంది. గ్రూప్‌లోని కీలక విభాగమైన ‘సర్ రతన్ టాటా ట్రస్ట్’ (SRTT) ప్రతినిధులు నూతన అధ్యక్షుడి నామినేషన్ ప్రక్రియలో పాల్గొనకుండా మహారాష్ట్ర ఛారిటీ కమిషనర్ విధించిన ఆంక్షలు పెద్ద అడ్డంకిగా మారాయి.