హైకోర్టును ఆశ్రయించిన ట్రైనీ ఐపీఎస్ ఉదయ్ కృష్ణా రెడ్డి.. పోటెన్సీ టెస్ట్ ఆదేశాలపై పిటిషన్!

తెలంగాణలో తీవ్ర సంచలనం సృష్టించిన ట్రైనీ ఐపీఎస్ అధికారి ఉదయ్ కృష్ణా రెడ్డి వ్యవహారంలో న్యాయపరమైన పోరాటం ముమ్మరమైంది. తనపై నమోదైన వివాదాస్పద కేసు విచారణలో భాగంగా, తనకు పోటెన్సీ టెస్ట్ (లైంగిక సామర్థ్యాన్ని అంచనా వేసే వైద్య పరీక్ష) నిర్వహించాలంటూ రాజేంద్రనగర్ కోర్టు ఇటీవల ఇచ్చిన ఉత్తర్వులను సవాల్ చేస్తూ ఆయన నేరుగా తెలంగాణ హైకోర్టును ఆశ్రయించారు. ఈ మేరకు హైకోర్టులో ఆయన ఒక క్వాష్ పిటిషన్ దాఖలు చేయడం ప్రస్తుతం రాష్ట్రవ్యాప్తంగా చర్చనీయాంశంగా మారింది.