TibetEarthquake: చైనా టిబెట్‌లో 5.3 తీవ్రతతో ప్రకంపనలు.. నేపాల్‌లో 'ఫ్లడ్ అలర్ట్'!

చైనాలోని టిబెట్ ప్రాంతంలో మరోసారి భూకంపం సంభవించి ప్రకంపనలు సృష్టించింది. రిక్టర్ స్కేలుపై ఈ భూకంప తీవ్రత 5.3గా నమోదైనట్లు భూవిజ్ఞాన కేంద్రం అధికారులు వెల్లడించారు. సరిహద్దు ప్రాంతంలో సంభవించిన ఈ ప్రకంపనల ప్రభావం పొరుగున ఉన్న నేపాల్‌లోని పలు ఉత్తర, పశ్చిమ జిల్లాల్లోనూ స్పష్టంగా కనిపించడంతో సరిహద్దు ప్రాంత ప్రజలు తీవ్ర భయాందోళనలకు గురయ్యారు. టిబెట్ సరిహద్దును ఆనుకుని ఉన్న నేపాల్‌లోని హిమ నదులు, పర్వత ప్రాంతాలు తీవ్ర ప్రకంపనలకు గురికావడంతో పర్వత హిమపాతం (మంచు చరియలు విరిగిపడటం) లేదా హిమనదీయ సరస్సులు తెగిపడే ప్రమాదం ఉందని అధికారులు భావిస్తున్నారు.