చక్కెర ‘హోల్‌సేల్’ ఊరట... ‘రిటైల్’ నిరాశ!

దేశంలో చక్కెర ధరలకు కళ్లెం వేసేందుకు కేంద్ర ప్రభుత్వం తీసుకున్న వరుస చర్యలు సత్ఫలితాలను ఇస్తున్నాయి. సుమారు 10లక్షల టన్నుల ముడి పంచదారను ఎలాంటి సుంకం లేకుండా దిగుమతి చేసుకునేందుకు అనుమతించడం, అలాగే అక్రమ నిల్వలపై ఉక్కుపాదం మోపడంతో హోల్‌సేల్ మార్కెట్‌లో ధరలు వేగంగా తగ్గుముఖం పట్టాయి. గత కొన్ని రోజుల్లోనే హోల్‌సేల్ ధరలు 15శాతం మేర తగ్గి, ఫ్యాక్టరీ గేట్ వద్ద క్వింటాల్‌పై దాదాపు రూ.800 వరకు తగ్గుదల నమోదైంది.