ఔషధాల్లాగానే ఏఐపై కఠిన నియంత్రణలు అవసరం: బిల్ గేట్స్

 కృత్రిమ మేధస్సు(Artificial Intelligence - AI) అత్యంత వేగంగా అభివృద్ధి చెందుతున్న తరుణంలో, దాని వినియోగంపై ప్రపంచవ్యాప్తంగా సరైన నియంత్రణలు ఉండాల్సిన అవసరం ఉందని మైక్రోసాఫ్ట్ సహ వ్యవస్థాపకుడు బిల్ గేట్స్ ఆసక్తికర వ్యాఖ్యలు చేశారు. ఔషధాలు, విమానాలు, మోటారు వాహనాలు వంటి రంగాల్లో ప్రజల భద్రత కోసం ప్రభుత్వాలు ఎలాంటి కఠినమైన నిబంధనలు విధిస్తున్నాయో, సరిగ్గా అదే తరహాలో ఏఐ సాంకేతికతపై కూడా స్పష్టమైన గ్లోబల్ నియంత్రణ వ్యవస్థలు ఉండాలని ఆయన అభిప్రాయపడ్డారు.