కొండా సురేఖ బర్తరఫ్

తెలంగాణ కాంగ్రెస్ లో మంత్రి కొండా సురేఖ వ్యవహారంలో ఉత్కంఠకు తెరపడింది. కొండా సురేఖను బర్తరఫ్ చేయాలని హైకమాండ్ నిర్ణయం తీసుకుంది. హైకమాండ్ నుంచి గ్రీన్ సిగ్నల్ రావడంతో.. మంత్రివర్గం నుంచి కొండా సురేఖను బర్తరఫ్ చేయాలని గవర్నర్ కు లేఖ పంపారు ముఖ్యమంత్రి రేవంత్ రెడ్డి. దీనిపై గవర్నర్ నిర్ణయం తీసుకోనున్నారు.

అటు చిన్నారెడ్డిపైనా చర్యలు తీసుకుంది కాంగ్రెస్ హైకమాండ్. ఆయనపై వేటు వేసింది. ప్రణాళికా సంఘం ఉపాధ్యక్షుడిగా చిన్నారెడ్డిని తొలగించింది. చిన్నారెడ్డి స్థానంలో జీహెచ్ ఎంసీ మాజీ మేయర్ గద్వాల విజయలక్ష్మిని నియామకం చేసింది కాంగ్రెస్ అధిష్టానం. ఇక, మహిళా కమిషన్ ఛైర్ పర్సన్ గా నేరెళ్ల శారదను అపాయింట్ చేశారు.