Reliance Success Story: చిన్న ట్రేడింగ్ కొట్టు నుంచి లక్షల కోట్ల సామ్రాజ్యం దాకా.. రిలయన్స్ ప్రస్థానం!

Reliance Success Story: భారతదేశ వ్యాపార చరిత్రలో రిలయన్స్ ఇండస్ట్రీస్ లిమిటెడ్ సాధించిన ప్రగతి కేవలం ఒక కంపెనీ ఎదుగుదల మాత్రమే కాదు. అది యావత్ భారత ఆర్థిక వ్యవస్థ రూపురేఖలను సమూలంగా మార్చేసిన ఓ మహా విప్లవం. 1958లో కేవలం 500 రూపాయల పెట్టుబడితో ఒక చిన్న ట్రేడింగ్ సంస్థగా మొదలైన ప్రయాణం, నేడు లక్షల కోట్ల రూపాయల మార్కెట్ విలువతో దేశంలోనే నంబర్ 1 ప్రైవేట్ రంగ దిగ్గజంగా నిలిచింది. ఒక సాధారణ మధ్యతరగతి నేపథ్యం నుంచి ప్రారంభమై ప్రపంచ కుబేరుల జాబితా వరకు సాగిన ధీరూభాయ్ అంబానీ కుటుంబ ప్రస్థానం, భారతీయ వాణిజ్య రంగంలో సరికొత్త చరిత్రను లిఖించింది.