రోడ్డెక్కిన పాలిటెక్నిక్ విద్యార్థులు.. రాష్ట్ర వ్యాప్త నిరసనలు!

రాష్ట్రంలోని పాలిటెక్నిక్ కళాశాలలను యంగ్ ఇండియా స్కిల్ యూనివర్సిటీలో విలీనంచేస్తూ రేవంత్‌రెడ్డి ప్రభుత్వం తీసుకొచ్చిన 'శక్తి' స్కీమ్, జీవో నంబర్ 97కు వ్యతిరేకంగా పాలిటెక్నిక్ విద్యార్థుల నిరసనలు ఉధృతమవుతున్నాయి. పాలిటెక్నిక్ డిప్లొమా విద్యావ్యవస్థ ప్రాధాన్యతను తగ్గించి, తమను కేవలం శ్రామిక శిక్షణ (లేబర్)కే పరిమితం చేసేలా ఈ నిర్ణయం ఉందంటూ విద్యార్థులు తీవ్ర ఆగ్రహం వ్యక్తం చేస్తున్నారు. ప్రభుత్వం వెంటనే స్పందించి జీవో-97ను రద్దు చేయకపోతే పోరాటాన్ని మరింత తీవ్రతరం చేస్తామని హెచ్చరించారు.