ప్రియుడే హంతకుడు.. నర్సింగ్ విద్యార్థిని హత్య కేసులో వీడిన మిస్టరీ

Harini Mystery: భద్రాద్రి కొత్తగూడెం జిల్లా జూలూరుపాడులో తీవ్ర సంచలనం రేపిన హరిణి మర్డర్ కేసులో మిస్టరీని పోలీసులు ఛేదించారు. ప్రియుడే హంతకుడు అని తేల్చారు. తనను దూరం పెడుతోందని, పెళ్లికి నిరాకరించిందని కక్ష పెంచుకున్న ప్రియుడు పవన్ కుమార్ హరిణిని అత్యంత కిరాతకంగా హతమార్చాడు. జూలూరుపాడులో పోలీస్ స్టేషన్ పరిధిలోని వెంగన్నపాలెంలో సెప్టెంబర్ 22న హరిణి (18) అనుమానాస్పద స్థితిలో మృతి చెందింది. పవన్ ఆమెను మర్డర్ చేసినట్లు దర్యాప్తులో వెల్లడైంది. కొత్తగూడెం డీఎస్పీ ఆదినారాయణ ఈ కేసుకి సంబంధించిన పూర్తి వివరాలు మీడియాకు తెలిపారు.