క్రీడలు
వీల్‌చైర్‌లో నీరజ్ చోప్రా.. అభిమానుల్లో తీవ్ర ఆందోళన!
భారత స్టార్ అథ్లెట్, రెండుసార్లు ఒలింపిక్ పతక విజేత నీరజ్ చోప్రా ఢిల్లీ విమానాశ్రయంలో వీల్‌చైర్‌లో ఉన్న వీడియో సోషల్ మీడియాలో విపరీతంగా వైరల్ అవుతోంది. ప్రాక్టీస్ సెషన్‌లో ఆయన మడమ భాగంలో లిగమెంట్ తీవ్రంగా దెబ్బతినడంతో స్వయంగా నడవలేక వీల్‌చైర్‌కే పరిమితమయ్యారు. దేశానికి ఎన్నో ప్రతిష్ఠాత్మక పతకాలు తెచ్చిపెట్టిన ఛాంపియన్ ప్లేయర్ ఈ స్థితిలో కనిపించడంతో క్రీడాభిమానులు తీవ్ర ఆందోళన వ్యక్తం చేస్తున్నారు. తమ అభిమాన అథ్లెట్ త్వరగా కోలుకోవాలని కోరుకుంటూ నెటిజన్లు సోషల్ మీడియా వ్యాప్తంగా సందేశాలు పోస్ట్ చేస్తున్నారు.