ఉక్రెయిన్ యుద్ధానికి ముగింపు పలికేలా మోదీ ఆలోచనలు.. పుతిన్ సంచలన వ్యాఖ్యలు!

రష్యా అధ్యక్షుడు వ్లాదిమిర్ పుతిన్ భారత ప్రధాని నరేంద్ర మోదీ శాంతి ప్రయత్నాలను, ఉక్రెయిన్ యుద్ధ నివారణ ఆలోచనలను ప్రత్యేకంగా ప్రశంసించారు. ఉక్రెయిన్‌లో కొనసాగుతున్న ఉద్రిక్తతలకు త్వరితగతిన ముగింపు పలికేందుకు మోదీ నిరంతరం సంప్రదింపులు జరుపుతున్నారని, పరస్పర ఆమోదయోగ్యమైన పరిష్కారం కనుగొనేందుకు ఆయన వద్ద అత్యుత్తమ ప్రణాళికలు ఉన్నాయని పుతిన్ కొనియాడారు. ఉక్రెయిన్ వివాదం మొదలైనప్పటి నుంచి భారత్ దౌత్యం, చర్చల మార్గాన్నే నమ్ముకుంటూ శాంతియుత పరిష్కారానికి పిలుపునిస్తున్న విషయం తెలిసిందే.