Mobile Blast: బాబోయ్.. బాంబులా పేలిన ఫోన్.. వ్యక్తికి తీవ్రగాయాలు

ఫోన్లు కొన్ని సందర్భాల్లో ప్రాణాంతకంగా మారుతున్నాయి. సడెన్ గా బాంబుల్లా పేలిపోతున్నాయి. తాజాగా అటువంటి ఘటన ఒకట ఉత్తరప్రదేశ్ రాష్ట్రంలో చోటు చేసుకుంది. అలీగఢ్ లో ఘోరం జరిగింది. ఓ వ్యక్తి చేతిలో ఫోన్ ఒక్కసారిగా పేలిపోయింది. ఈ ఘటనలో ఆ వ్యక్తికి తీవ్ర గాయాలయ్యాయి.

బాధితుడి పేరు సచిన్. ప్లిప్ కార్ట్ డెలివరీ బాయ్ గా పని చేస్తున్నాడు. అతడికి కాల్ వచ్చింది. దాంతో జేబులో నుంచి ఫోన్ బయటకు తీస్తుండగా అది ఒక్కసారిగా బ్లాస్ట్ అయ్యింది. ఈ ఘటనలో అతడి ముఖం, చేతికి తీవ్ర గాయాలయ్యాయి. పేలిన ఫోన్ మోటరోలా కంపెనీకి చెందినదిగా బాధితుడి కుటుంబసభ్యులు తెలిపారు. అయితే, ఆ ఫోన్ అలా పేలిపోవడానికి కారణాలు తెలియాల్సి ఉంది.