నేడు సచివాలయంలో ఆటో కార్మికులతో మంత్రుల భేటీ.. సర్కార్ కీలక నిర్ణయం!

తెలంగాణలో ఆటో డ్రైవర్లు, కార్మికులు ఎదుర్కొంటున్న సుదీర్ఘ సమస్యలకు పరిష్కారం చూపే దిశగా రేవంత్ రెడ్డి ప్రభుత్వం కీలక అడుగు వేసింది. సచివాలయంలో నేడు సాయంత్రం 4 గంటలకు ఆటో కార్మిక సంఘాల ప్రతినిధులతో ఉన్నత స్థాయి సమీక్షా సమావేశాన్ని నిర్వహించనున్నట్లు ప్రకటించింది. రవాణా శాఖ మంత్రి పొన్నం ప్రభాకర్, కార్మిక శాఖ మంత్రి గడ్డం వివేక్ వెంకట్ స్వామి సంయుక్తంగా ఈ సమావేశానికి అధ్యక్షత వహించనున్నారు. ఈ భేటీలో వివిధ శాఖల ఉన్నతాధికారులతో పాటు ఆటో యూనియన్ల జేఏసీ (JAC) ముఖ్య ప్రతినిధులు పాల్గొననున్నారు.