మంత్రి ఇలాకాలో తాగునీటి కష్టాలు.. నీళ్ల కోసం రోడ్డెక్కిన ప్రజలు

No Water: తెలంగాణలో నీటి కష్టాలు రోజురోజుకి తీవ్రమవుతున్నాయి. ఇప్పటికే సాగునీరు లేక చాలా చోట్ల పంట పొలాలు ఎండిపోతున్నాయి. సాగునీటి కోసం రైతులు ఆందోళనలు చేస్తున్నారు. పొలాలకు నీరు అందించాలంటూ రోడ్ల మీదకు వచ్చి ధర్నాలు చేస్తున్నారు. తాజాగా తాగునీటి కష్టాలు కూడా మొదలయ్యాయి. పలు ప్రాంతాల్లో తీవ్రమైన నీటి ఎద్దడి కనిపిస్తోంది. తాగేందుకు నీళ్లు దొరక్క ప్రజలు దాహంతో అలమటిస్తున్నారు. ఖాళీ బిందెల‌తో రోడ్డెక్కి నిరసన తెలుపుతున్నారు.