కేటీఆర్ పీఏ, పీఆర్వోలకు పోలీసుల ప్రశ్నలు!

 తెలంగాణ అసెంబ్లీ గేట్ నంబర్-3 వద్ద చోటుచేసుకున్న ఘర్షణ ఘటనకు సంబంధించి బీఆర్‌ఎస్ వర్కింగ్ ప్రెసిడెంట్ కేటీఆర్ పీఏ మహేందర్ రెడ్డి, పీఆర్వో మాణిక్య మహేష్‌లను సైఫాబాద్ పోలీసులు సుదీర్ఘంగా ప్రశ్నిస్తున్నారు. జారీ చేసిన నోటీసుల మేరకు వీరిద్దరూ సైఫాబాద్ పోలీస్ స్టేషన్‌లో విచారణాధికారి ముందు హాజరయ్యారు. ఈ విచారణ ప్రక్రియ వారి తరఫు న్యాయవాదుల సమక్షంలో ప్రారంభం కాగా, పోలీసుల ప్రశ్నల తీరు, విచారణ సరళిపై న్యాయవాదులు తీవ్ర అభ్యంతరం వ్యక్తం చేయడంతో స్థానికంగా ఉత్కంఠ వాతావరణం నెలకొంది.