India vs Sri Lanka: గాలే టెస్టులో భారత్ చారిత్రక విజయం.. ‘స్పిన్’తో లంక చిత్తు!

శ్రీలంక పర్యటనలో ఉన్న భారత జట్టు గాలే వేదికగా జరిగిన తొలి టెస్టు మ్యాచ్‌లో 165పరుగుల భారీ వ్యత్యాసంతో ఘన విజయం సాధించింది. యువ స్పిన్నర్ మానవ్ సుతార్ తన లెఫ్ట్ ఆర్మ్ స్పిన్ మాయాజాలంతో ప్రత్యర్థి బ్యాటర్లకు కంటిమీద కునుకు లేకుండా చేశాడు. రెండో ఇన్నింగ్స్‌లో కేవలం 55పరుగులిచ్చి 6 వికెట్లు పడగొట్టిన సుతార్, లంక పతనాన్ని శాసించాడు. ఈ విజయంతో రెండు మ్యాచ్‌ల టెస్టు సిరీస్‌లో భారత్ 1-0 ఆధిక్యంలోకి దూసుకెళ్లడమే కాకుండా, ప్రపంచ టెస్టు ఛాంపియన్‌షిప్ (డబ్ల్యూటీసీ) పాయింట్ల పట్టికలో కీలకమైన 12 పాయింట్లను తన ఖాతాలో వేసుకుంది. తమ 600వ చారిత్రక టెస్టులో ఈ రకమైన విజయం సాధించడం గమనార్హం.