రింకూ సింగ్ ఉంటే మ్యాచ్ ఫలితం వేరేలా ఉండేది: మాజీ క్రికెటర్ వసీం జాఫర్

 వెస్టిండీస్‌తో జరిగిన నాలుగో టీ20 మ్యాచ్‌లో టీమిండియా ఓటమికి సరైన ఫినిషర్ లేకపోవడమే ప్రధాన కారణమని భారత మాజీ క్రికెటర్ వసీం జాఫర్ అభిప్రాయపడ్డారు. భారీ లక్ష్య ఛేదనలో ఐదో స్థానంలో రింకూ సింగ్ ఉండి ఉంటే మ్యాచ్ ఫలితం మరోలా ఉండేదని ఆయన పేర్కొన్నారు. కేవలం బౌలింగ్ చేయలేడనే సాకుతో అద్భుతమైన ఫామ్‌లో ఉన్న రింకూను తుది జట్టు నుంచి తప్పించడం అత్యంత దురదృష్టకరమని జాఫర్ తన యూట్యూబ్ ఛానెల్‌లో విశ్లేషించారు.