రైతాంగ ఉద్యమ నేత కన్నుమూత!..

కమ్యూనిస్టు సీనియర్ నాయకుడు, రైతు సంఘం నాయకులు సారంపల్లి మల్లారెడ్డి(88) కన్నుమూశారు. కొంతకాలంగా అనారోగ్య సమస్యలతో బాధపడుతున్న ఆయన హైదరాబాద్‌లో నిమ్స్‌ ఆస్పత్రిలో చికిత్స పొందుతూ సోమవారం తుదిశ్వాస విడిచారు. ఉమ్మడి వరంగల్ జిల్లా నర్సంపేట ప్రాంతంలో జన్మించి, చిన్ననాటి నుంచే ప్రజా సమస్యల పట్ల స్పందించే తత్వాన్ని పుణికిపుచ్చుకున్న సారంపల్లి.. తెలంగాణ రైతాంగ ఉద్యమంలో బలమైన గొంతుకగా నిలిచారు.