ఏపీలో హైటెన్షన్.. ఎంపీ అవినాశ్ రెడ్డి నివాసాన్ని పోలీసుల రౌండప్!

 ఏపీలో మున్సిపల్ ఎన్నికల నామినేషన్ల ప్రక్రియ తుది గడువు ముగియనున్న నేపథ్యంలో కడప జిల్లా పులివెందులలో తీవ్ర ఉద్రిక్త వాతావరణం నెలకొంది. వైఎస్సార్ కాంగ్రెస్ పార్టీ ఎంపీ వైఎస్ అవినాశ్ రెడ్డి నివాసం వద్ద పోలీసులు భారీగా మోహరించారు. ఎలాంటి అవాంఛనీయ సంఘటనలు, శాంతిభద్రతల సమస్యలు తలెత్తకుండా ముందస్తు భద్రతా చర్యల్లో భాగంగా ఈ పటిష్ట బందోబస్తు ఏర్పాటు చేసినట్లు అధికారులు వెల్లడించారు.