చిగుళ్ల నుంచి రక్తం వస్తోందా? కారణం ఏంటంటే?.. .

చిగుళ్ల నుంచి రక్తం కారడం అనేది సాధారణంగా చాలామంది ఎదుర్కొనే సమస్య.. అయితే బ్రష్ గట్టిగా చేశాంలే అని దీనిని తేలిగ్గా తీసుకుంటారు. కానీ, తరచూ ఇలా జరుగుతుంటే మాత్రం ఖచ్చితంగా శ్రద్ధ వహించాల్సిందే అని ఆరోగ్యనిపుణులు సూచిస్తున్నారు.. సరైన ఓరల్ హైజీన్ పాటించకపోవడం వల్ల పళ్లపై 'ప్లేక్' (పాచి) పేరుకుపోతుంది. దీనివల్ల చిగుళ్ల వాపు, రక్తస్రావం మొదలవుతాయి. దీనిని ఆరంభంలోనే నివారించకపోతే, అది 'పెరియోడాంటైటిస్' అనే తీవ్రమైన చిగుళ్ల వ్యాధికి దారితీస్తుంది. ఇది పళ్ల పునాదిని బలహీనపరిచి, అవి ఊడిపోయేలా చేస్తుందని హెచ్చరిస్తున్నారు..