జియో బాటలోనే ‘గ్రీన్ ఎస్‌ఎం’ వ్యాపార వ్యూహం.. ఆర్ఎస్ ప్రవీణ్ కుమార్ సంచలన ఆరోపణలు!

 తెలంగాణలో రవాణా రంగంలోకి అడుగుపెడుతున్న 'గ్రీన్ ఎస్‌ఎం' (Green SM) సంస్థ కార్యకలాపాలపై బీఆర్ఎస్ నాయకుడు ఆర్ఎస్ ప్రవీణ్ కుమార్ (RS Praveen Kumar) తీవ్రస్థాయిలో విమర్శలు గుప్పించారు. 2016లో టెలికాం రంగంలో రిలయన్స్ జియో అనుసరించిన వ్యాపార వ్యూహాన్ని ఇప్పుడు గ్రీన్ ఎస్‌ఎం సంస్థ రవాణా రంగంలో అమలు చేయబోతోందని ఆయన ఆరోపించారు. గతంలో జియో సంస్థ ఉచిత డేటా, ఉచిత కాల్స్ పేరుతో ఆఫర్లు ప్రకటించడంతో ఎయిర్‌సెల్, టాటా డొకోమో, రిలయన్స్ కమ్యూనికేషన్స్ వంటి దిగ్గజ కంపెనీలు మార్కెట్ నుంచి పూర్తిగా కనుమరుగయ్యాయని, వొడాఫోన్, ఐడియా సంస్థలు విలీనం కావాల్సిన పరిస్థితి ఏర్పడిందని ఆర్ఎస్ ప్రవీణ్ కుమార్ గుర్తు చేశారు.