పూజలు చేయకుండానే దుర్గామాత విగ్రహం నిమజ్జనం.. నిరాశలో భక్తులు!

 నల్లగొండ జిల్లా డిండి మండలం శాంతిగూడెంలో దేవీ శరన్నవరాత్రి ఉత్సవాల వేళ తీవ్ర కలకలం రేగింది. దేవీ నవరాత్రుల సందర్భంగా ప్రతిష్ఠించాల్సిన దుర్గామాత విగ్రహానికి కనీసం ఒక్క పూజ కూడా చేయకుండానే నిమజ్జనం చేశారు. ఈ ఘటన స్థానికంగా తీవ్ర ఆగ్రహావేశాలకు దారితీసింది. గ్రామ పరిధిలో అమ్మవారి విగ్రహాన్ని ఎక్కడ ప్రతిష్ఠించాలనే ప్రతిపాదిత స్థలంపై రెండు స్థానిక రాజకీయ వర్గాల మధ్య ఏర్పడిన తీవ్ర వివాదమే ఈ దుస్థితికి కారణమైంది.