EPFO: శాలరీ అకౌంట్‌పై పీఎఫ్ బాంబ్.. చేతికి వచ్చేది ఇంతేనా?

EPFO: నెల తిరిగేసరికి జీతం పడిందని మొబైల్‌కు వచ్చే శాలరీ క్రెడిట్ మెసేజ్ చూసి ఉద్యోగులు అవాక్కవుతున్నారు. ఎందుకు షాక్ అవుతున్నారని అనుకుంటున్నారు.. ఎప్పటిలా కాకుండా ఈసారి చేతికి వచ్చే జీతంలో భారీగా కోత పడటంతో దానికి కారణం. అసలు ఏం జరిగిందంటే.. ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) వేతన పరిమితిని పెంచుతూ కేంద్ర ప్రభుత్వం తీసుకున్న సంచలన నిర్ణయమే ఈ కోతకు ప్రధాన కారణం. ఈపీఎఫ్ వేజ్ సీలింగ్ పెరగడంతో అక్టోబర్ నెల నుంచి ఉద్యోగుల టేక్ హోమ్ శాలరీ ఒక్కసారిగా తగ్గిపోయింది.