ట్రాన్స్‌జెండర్ల బలవంతపు వసూళ్లపై డీజీపీ సీరియస్.. కీలక ఆదేశాలు!

 హైదరాబాద్ నగరంలో, రాష్ట్రవ్యాప్తంగా శుభకార్యాలు, గృహప్రవేశాలు, నూతన వ్యాపార ప్రాంగణాల వద్ద కొందరు ట్రాన్స్‌జెండర్లు జరుపుతున్న బలవంతపు వసూళ్లు, బెదిరింపు చర్యలపై తెలంగాణ డీజీపీ సీవీ ఆనంద్ సీరియస్ గా స్పందించారు. ప్రజలను ఇబ్బందులకు గురిచేస్తూ అరాచకానికి పాల్పడుతున్న ఇలాంటి దందాలను ఏమాత్రం సహించేదిలేదని ఆయన స్పష్టం చేశారు. ఈ రకమైన దోపిడీలను అరికట్టేందుకు రాష్ట్రంలోని అన్ని పోలీసు కమిషనరేట్లు, జిల్లా కేంద్రాల పరిధిలో తక్షణమే సమగ్ర 'స్పెషల్ డ్రైవ్' చేపట్టాలని ఉన్నతాధికారులను ఆదేశించారు.