Dasara Holidays: పాఠశాలలకు దసరా సెలవుల షెడ్యూల్ ఖరారు.. ఎన్ని రోజులంటే?

 తెలంగాణ రాష్ట్రంలోని విద్యాసంస్థలకు దసరా,  బతుకమ్మ పండుగల సెలవుల షెడ్యూల్‌ను రాష్ట్ర విద్యాశాఖ అధికారికంగా ఖరారు చేసింది. రాష్ట్రవ్యాప్తంగా ఉన్న అన్ని ప్రభుత్వ, ప్రైవేట్ పాఠశాలలతో పాటు జూనియర్ కాలేజీలకు అక్టోబర్ 10వ తేదీ నుంచి దసరా సెలవులు ప్రారంభం కానున్నాయి. పండుగ వాతావరణంలో విద్యార్థులు, ఉపాధ్యాయులు తమ కుటుంబాలతో ఆనందంగా గడిపేందుకు వీలుగా విద్యాశాఖ అకాడమిక్ క్యాలెండర్ ప్రకారం ఈ నిర్ణయాన్ని ప్రకటించింది. పాఠశాలలకు అక్టోబర్ 10వ తేదీ నుంచి 22వ తేదీ వరకు మొత్తం 13 రోజుల పాటు దసరా సెలవులు కొనసాగుతాయి. దీర్ఘకాలిక విరామం అనంతరం పాఠశాలలు తిరిగి అక్టోబర్ 23వ తేదీన పునఃప్రారంభం కానున్నాయి.