ChatGPT for Teens: ‘చాట్‌జీపీటీ ఫర్ టీన్స్’.. ఇది టీనేజర్లకు మాత్రమే!

యువత డిజిటల్ వాతావరణాన్ని మరింత సురక్షితంగా, బాధ్యతాయుతంగా మార్చే దిశగా ప్రముఖ ఏఐ సంస్థ ఓపెన్‌ఏఐ (OpenAI) ఒక కీలక నిర్ణయం తీసుకుంది. ఇందులో భాగంగా 13 నుంచి 17 సంవత్సరాల వయసు గల టీనేజర్ల కోసం ప్రత్యేకంగా డిజైన్ చేసిన ‘చాట్‌జీపీటీ ఫర్ టీన్స్’ ఫీచర్‌ను గ్లోబల్‌గా అందుబాటులోకి తెచ్చింది. కేవలం ప్రశ్నలకు సమాధానాలు వెతకడానికే కాకుండా, యువతలో విమర్శనాత్మక ఆలోచనా విధానాన్ని (Critical Thinking) పెంపొందించేలా దీన్ని రూపొందించడం విశేషం.