అక్టోబర్ 21లోగా.. రేవంత్ సర్కార్‌కు బీజేపీ ఎమ్మెల్యే డెడ్‌లైన్..

Payal Shankar: ఎల్ నినో ప్రభావంతో తెలంగాణ రైతాంగం సంక్షోభంలో కూరుకుపోయిందని బీజేపీ ఎమ్మెల్యే పాయల్ శంకర్ ఆవేదన వ్యక్తం చేశారు. ఈ క్రమంలో రాష్ట్రంలోని రైతులను ఆదుకునే ప్రధానమంత్రి ఫసల్ బీమా యోజన పథకాన్ని అమలు చేయాలని రేవంత్ సర్కార్ ను డిమాండ్ చేశారు. ఇందుకు గాను అక్టోబర్ 21 వరకు రాష్ట్ర ప్రభుత్వానికి ఆయన డెడ్ లైన్ విధించారు. వచ్చే నెల 21వ తేదీ లోపు తెలంగాణలో ప్రధానమంత్రి పంటల బీమా అమలు చేయకపోతే 22వ తేదీ నుంచి బీజేపీ కిసాన్ మోర్చా నేతృత్వంలో ఆదిలాబాద్ కేంద్రంగా రైతు భరోసా యాత్ర చేపడతామని ఎమ్మెల్యే పాయల్ శంకర్ హెచ్చరించారు. ఆదిలాబాద్ నుంచి రైతులతో కలిసి యాత్రగా వచ్చి సచివాలయాన్ని ముట్టడిస్తామన్నారు.