గణేశ్ నిమజ్జనం వేళ నగరవాసులకు బిగ్ రిలీఫ్.. అర్ధరాత్రి దాటినా మెట్రో సేవలు!

 హైదరాబాద్‌లో గణేశ్ నవరాత్రి ఉత్సవాలు, శోభాయాత్ర నిమజ్జనోత్సవానికి నగర అధికార యంత్రాంగం విస్తృత ఏర్పాట్లు చేస్తోంది. నిమజ్జనం రోజున లక్షలాదిగా తరలివచ్చే భక్తుల రవాణా సౌకర్యార్థం నగరంలో ప్రజారవాణా వ్యవస్థను అర్ధరాత్రి దాటిన తర్వాత కూడా అందుబాటులో ఉంచాలని అధికారులు నిర్ణయించారు. ఇందులో భాగంగా వచ్చే సెప్టెంబర్ 25న జరగనున్న వినాయక నిమజ్జనం సందర్భంగా హైదరాబాద్ మెట్రో రైళ్లను అర్ధరాత్రి దాటి ఒంటి గంట వరకు, ఎంఎంటీఎస్ (MMTS) రైళ్లను రాత్రంతా నడిపించనున్నట్లు అధికారులు తెలిపారు.