ఏపీ

తిరుమల వెళ్లే వారికి బిగ్ అలర్ట్.. టీటీడీ కీలక సూచనలు!

 కలియుగ ప్రత్యక్ష దైవం తిరుమల వేంకటేశ్వర స్వామివారి దర్శనానికి వెళ్లే భక్తులకు ప్రస్తుతం కొండపై తీవ్ర ఇబ్బందులు ఎదురవుతున్నాయి. ఒకవైపు శీతాకాలం ప్రభావంతో తిరుమల కొండపై ఉష్ణోగ్రతలు భారీగా పడిపోతుండగా, మరోవైపు భక్తుల రద్దీ అనూహ్యంగా పెరిగింది. వసతి గదులు దొరక్కపోవడంతో చాలామంది భక్తులు గజగజ వణికించే చలిలోనే ఆరుబయట రాత్రంతా గడపాల్సిన పరిస్థితి నెలకొంది. ముఖ్యంగా చిన్నపిల్లలు, వృద్ధులతో కలిసి దర్శనానికి వచ్చిన కుటుంబాలు చలి తీవ్రతను తట్టుకోలేక నానా అవస్థలు పడుతున్నాయి.