AP: బీసీ రిజర్వేషన్ల బిల్లును కొట్టేసిన హైకోర్టు.. సుప్రీంకోర్టుకు ఏపీ ప్రభుత్వం

AP: రాష్ట్రంలో బీసీలకు ప్రకటించిన 34 శాతం రిజర్వేషన్ల అంశం తీవ్ర ఉత్కంఠకు దారితీసింది. రిజర్వేషన్ల శాతం 50 శాతానికి మించిపోతోందన్న కారణంతో ప్రభుత్వం ఇచ్చిన ఉత్తర్వులను రాష్ట్ర ఉన్నత న్యాయస్థానం పక్కనపెట్టింది. తీర్పు వెలువడిన కొద్దిసేపట్లోనే స్పందించిన సీఎం చంద్రబాబు, బీసీలకు ఇచ్చిన మాట నుంచి వెనక్కి తగ్గేది లేదని స్పష్టం చేశారు. వెంటనే దేశ సర్వోన్నత న్యాయస్థానాన్ని ఆశ్రయించి న్యాయపోరాటం చేయాలని సంబంధిత అధికారులను ఆదేశించారు.స్థానిక సమరానికి సిద్ధమవుతున్న వేళ వెనుకబడిన వర్గాలకు 34 శాతం వాటా కల్పిస్తూ జారీ చేసిన రెండు కీలక సర్క్యులర్లపై కొందరు కోర్టును ఆశ్రయించారు.