ఆస్పత్రిలో అంబటి.. ఫోన్‌లో యోగక్షేమాలు ఆరా తీసిన జగన్!

 మాజీ మంత్రి, వైఎస్సార్ సీనియర్ నేత అంబటి రాంబాబును ఆ పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి ఫోన్‌లో పరామర్శించారు. గుండె సంబంధిత సమస్యతో బాధపడుతూ హైదరాబాద్‌లోని అపోలో ఆస్పత్రిలో చేరిన అంబటి రాంబాబు ఆరోగ్య పరిస్థితి గురించి జగన్ ఆరాతీశారు. అనారోగ్యంతో ఉన్న ఆయనకు తగిన విశ్రాంతి అవసరమని, త్వరగా కోలుకోవాలని ఈ సందర్భంగా ఆకాంక్షించారు. వైద్యులు తనకు అందించిన చికిత్స వివరాలను అంబటి రాంబాబు ఈ సందర్భంగా జగన్‌కు వివరించారు.