సారూ ఇదేనా "సర్"? ఒకే ఇంటి చిరునామాతో 44 ఓట్లు..

తెలంగాణలో ఇటీవల చేపట్టిన ఓటరు జాబితా ప్రత్యేక సమగ్ర సవరణ (సర్) ప్రక్రియలో లోపాలు బయటపడుతున్నాయి. ఎస్ఐఆర్ చేపట్టక ముందు, చేపట్టిన తర్వాత ఓట్లలో వ్యత్యాసాలు కనిపిస్తున్నాయి. ఒకే ఇంటి చిరునామాతో ఎస్ఐఆర్ కు ముందు 19 ఓట్లు.. ఎస్ఐఆర్ ప్రక్రియ తర్వాత ఓట్ల సంఖ్య 44కి పెరగడం ఇప్పుడు హాట్ టాపిక్ గా మారింది. హైదరాబాద్ ఖైరతాబాద్ నియోజకవర్గం బంజారాహిల్స్ రోడ్ నెంబర్ 12 ఎమ్మెల్యే కాలనీలో ఈ ఘటన జరిగింది. అక్కడ G ప్లస్ 2 ఆఫీస్ బిల్డింగ్ చిరునామాతో 44 ఓట్లు తేలాయి. దీంతో రాజకీయ పార్టీల కార్యకర్తలు అవాక్కవుతున్నారు.